Breast Cancer Awareness സെമിനാർ:സ്നേഹം നിറഞ്ഞ SMCA കുടുംബാംഗങ്ങളെ,
SMCA Women's Wing ന്റെ ആഭിമുഖ്യത്തിൽ അംഗങ്ങൾക്കായി Breast Cancer Awareness സെമിനാർ, അബ്ബാസിയ SMCA ഹാളിൽ വച്ച് നടത്തപ്പെട്ടു. SMCA വിമൻസ് വിങ് അഡ്ഹോക് കമ്മിറ്റി പ്രസിഡന്റ് ശ്രീമതി ലിറ്റ്സി എലിസബത്ത് തോമസ് അധ്യക്ഷത വഹിച്ച യോഗത്തിൽ, ട്രിൻസി ഷാജു എല്ലാവരെയും സ്വാഗതം ചെയ്തു സംസാരിച്ചു. SMCA പ്രസിഡന്റ് ശ്രീ. സുനിൽ റാപ്പുഴ ആശംസകൾ അർപ്പിച്ചു. പ്രസ്തുത സെമിനാറിൽ Dr. Susovana Sujith Nair (Oncologist-Kuwait Cancer Center), ആകർഷകവും വ്യക്തവും ഹൃദ്യവുമായി ലളിതമായ ഭാഷയിൽ ക്ലാസുകൾ നയിക്കുകയും, പങ്കെടുത്തവർക്കായി പരിശോധന നടത്തുകയും ചെയ്തു. സെമിനാറിൽ വച്ച് ശ്രീമതി ഷീന സുനിൽ തന്റെ അനുഭവസാക്ഷ്യം പങ്കുവച്ചത് വളരെ മനോഹരവും ഹൃദയസ്പർശിയുമായിരുന്നു. ക്ലാസ്സുകൾക്കുശേഷമുള്ള ചോദ്യോത്തര പരിപാടിയിൽ അംഗങ്ങൾ സജീവമായി പങ്കെടുത്തു.
SMCA സെൻട്രൽ കമ്മിറ്റിയുടെയും അബ്ബാസിയ ഏരിയ കമ്മിറ്റിയുടെയും സഹായസഹകരണങ്ങൾ പരിപാടിയുടെ വിജയത്തിന് മാറ്റുകൂട്ടി. നാലുമണിമുതൽ പങ്കെടുക്കുന്നവരുടെ രെജിസ്ട്രേഷൻ നടത്തുന്നതിനും മറ്റും സഹകരിച്ചവരെയും, പരിശോധനയ്ക്കായി ഡോക്ടറെ സഹായിച്ചവരെയും ഇത്തരുണത്തിൽ നന്ദിയോടെ ഓർക്കുന്നു.
സ്നേഹപൂർവ്വം
ട്രിൻസി ഷാജു
SMCA വിമൻസ് വിങ് അഡ്ഹോക് കമ്മിറ്റി സെക്രട്ടറി
ബിനു ഗ്രിഗറി
ജനറൽ സെക്രട്ടറി